287 . உம்முன்னே
C – min | 3 / 4 | T – 145
உம்முன்னே எனக்கு நிறைவான மகிழ்ச்சி உண்டு
உம் அருகில் எப்போதும் நித்திய பேரின்பம் உண்டு
நிறைவான மகிழ்ச்சி நீரே
நித்திய பேரின்பமே
1 . என்னைக் காக்கும் இறைவன் நீரே
உம்மிடம் அடைக்கலம் புகுந்தேன்
என்னையாளும் தலைவர் நீரே ,
உம்மையன்றி ஆசை வேறில்லை
என்னைக் காக்கும் இறைவன் நீரே
அரசாளும் தலைவர் நீரே
ஆராதனை உமக்கே
நாளெல்லாம் ஆராதனை
2 . எனக்குரிய பங்கு நீரே
பரம்பரை சொத்தும் நீரே
ஆலோசனை தரும் தகப்பனே
இரவும் பகலும் பேசும் தெய்வமே .
எனக்குரிய பங்கு நீரே
பரம்பரை சொத்தும் நீரே – ஆராதனை
3 . எப்போதும் என் கண் முன்னே
உம்மைத்தான் நிறுத்தியுள்ளேன்
வலப்பக்கத்தில் இருப்பதனால்
அசைவுற விடமாட்டீர்
எப்போதும் என் முன்னே
உம்மைத்தான் நிறுத்தியுள்ளேன்
4 . என் இதயம் மகிழ்கின்றது
என் உடலும் இளைப்பாறுது
ஜீவமார்க்கம் எனக்குப் போதித்தீர்
ஜீவனே , உம்மைப் பாடுவேன்
என் இதயம் மகிழ்கின்றது
என் உடலும் இளைப்பாறுது