265 . மரணமே
D – min / 2 / 4 | T – 125
மரணமே உன் கூர் எங்கே ?
பாதாளமே உன் ஜெயம் எங்கே ?
மரணத்தை ஜெயித்த மன்னவன் இயேசு
எனக்குள் வந்துவிட்டார்
சாவை அழித்து அழியா வாழ்வை
எனக்குத் தந்துவிட்டார்
1 . சாவுக்கு அதிபதி சாத்தானை – இயேசு
சாவாலே வென்றுவிட்டார்
மரண பயத்தினால் வாடும் மனிதரை
விடுவித்து மீட்டுக் கொண்டார்
பயமில்லையே மரண பயமில்லையே
ஜெயம் எடுத்தார் இயேசு ஜெயம் எடுத்தார்
2 . அழிவுக்கு உரிய இவ்வுடல் ஒருநாள்
அழியாமை அணிந்து கொள்ளும்
சாவுக்கு உரிய இவ்வுடல் ஒரு நாள்
சாகாமை அணிந்து கொள்ளும்
3 . இறந்தோர் மேலும் வாழ்வோர் மேலும்
ஆளுகை செய்திடவே
இயேசு மரித்து உயிர்த்து எழுந்தார்
இன்றைக்கும் ஜீவிக்கிறார்
4 . கட்டளை பிறக்க தூதர் குரல் ஒலிக்க
கர்த்தர் இயேசு வந்திடுவார்
கிறிஸ்துவுக்குள் வாழ்வோர் கிறிஸ்துவுக்குள் மரித்தோர்
எதிர் கொண்டு சென்றிடுவோம்
5 . பூமிக்குரிய கூடாரமான
இவ்வீடு அழிந்தாலும்
பரமன் கட்டிய நிலையான வீடு
பரலோகத்தில் உண்டு
6 . அகரமும் னகரமும் தொடக்கமும் முடிவும்
நான் தானே என்று சொன்னவர்
அவனவன் கிரியைக்குத் தகுந்த பரிசு அளிக்க
சீக்கிரத்தில் வருகின்றார்